Ажлын эсвэл ширээгээ зохион байгуулалттай, цэгцтэй байлгах нь харагдах байдал гэхээс илүүтэй таны сэтгэл санааны тайван байдал болон үр бүтээмжид чухал нөлөө үзүүлж байдаг. Гэрээсээ ажиллах эсвэл гэрийн даалгавруудаа хийж дуусгах шаардлагатай үед ширээ эмх замбараагүй байх нь улам л төвөгтэй. Тиймээс Стора нь ширээгээ цэгцтэй байлгаж, стрессээ бууруулж, бүтээмжээ нэмэгдүүлэхэд нь туслах 7 зөвлөгөөг хүргэж байна. 

Ажлын эсвэл хичээлийн өрөө тань маш их эд зүйлстэй байж болох ч эд зүйлс бүр тань өөрийн гэсэн “гэртэй” буюу тусгай байршилтай байх ёстой юм. Хэрэв танд юу ч хамаагүй бүх зүйлсээ хийчихдэг шургуулга, шүүгээ байдаг бол яг одоо цэгцлээд хэрэгцээ тус бүрээр нь ангилан байршил оноож өгөөрэй. Дараа нь хэрэгтэй зүйлсээ хайж олоход ч хялбар байх болно. Энэ тохиолдолд шургуулга, шүүгээн дотроо жижиг тавиурууд байршуулах нь хамгийн зөв арга байх болно шүү. 

Замбараагүй, орооцолдсон утас залгуур болон цэнэглэгчүүд ширээг онцгүй харагдуулахын зэрэгцээ яаралтай шаардлагатай үед шууд авч хэрэглэхэд төвөгтэй болгож таныг стресстүүлдэг. Залгуур, цэнэглэгч зэргээ цэгцлэх үед хамгийн хэрэгтэй хэрэгслүүд бол “cablebox” буюу залгуурын хайрцаг, зангидах уяа, углуурга зэрэг байдаг. Стора нь дараах бүтээгдэхүүнүүдийг санал болгож байна. 

Ширээн дээрээ гэр бүлийн зураг болон бас бус зүйлсээ хязгаарлах нь эмх цэгцтэй, бүтээмжтэй байхад тусалдаг. Ажлын эсвэл хичээлийн ширээгээ хувийн эд зүйлсээрээ чимэглэх нь сонирхолтой ч гэлээ хэт эмх замбараагүй байдал таны анхаарлыг сарниулчхаад байдаг талтай. Зөвхөн хэрэгтэй зүйлсээ байршуулсан ширээн дээр сууж ажилласнаар та илүү сайн төвлөрч, үр бүтээмжтэй байж чадна.

Зохион байгуулалттай, цэгцтэй хадгалахгүй тохиолдолд хамгийн эмх замбараагүй байдал үүсгэдэг зүйл бол цаас, бичиг баримт байдаг. Тиймээс бичиг цаасаа цэгцтэй эмх цэгцтэй байлгах өөрт тохирсон системтэй болох нь зүйтэй. Ширээн дээрээ эсвэл шүүгээн дотроо цаас овоолохын оронд бичиг баримт хадгалах жижиг тавиур худалдаж аваарай. Зөвхөн бичиг баримт төдийгүй үзэг бал, нэрийн хуудас, чихэвч зэргээ бүгдийг нь зохион байгуулалтад оруулах боломжтой учраас ширээгээ цэгцлэхэд тань чухал хувь нэмэр оруулна. Илүү удаан эдэлгээтэй буюу чанартай бөгөөд байгальд ээлтэй байх үүднээс модон тавиур, кабинетуудыг санал болгож байна. 

Ажлын ширээнийхээ ард эсвэл гэрийнхээ хананы аль нэг хэсэгт нь бэхэлгээ бүхий самбар өлгөснөөр гэрэл зураг, чимэглэл, төлөвлөөгөө бичсэн цаас зэрэг хэрэгцээтэй бүхнээ өлгөх “хязгааргүй зай”-тай болно гэсэн үг. Жижиг сагс өлгөөд оффисын хэрэгслүүдээ хийх, соронз нааж хүссэн зүйлсээ тогтоох боломжтой учраас ширээн дээрээ замбараагүй овоолсон бүхнээ багасгаж цэгцлэхэд тань тусална. 

Илүү цэгцтэй, зохион байгуулалттай ширээтэй болсноор бүтээмж болон төвлөрөл тань даруй нэмэгдэхийг та анзаарах болно. Хичээлийн шинэ жил эхлэх шинэ сар та ажил, хичээлийн ширээгээ зохион байгуулахдаа дээрх таван зөвлөгөөг хэрэгжүүлээд үр дүнгээ бидэнтэй хуваалцаарай.