Гэрийн эмх цэгц нь амьдрах орчныг илүү тухтай болгохоос гадна зай талбайг үр ашигтай ашиглах ухаалаг шийдэл юм. Энэ удаагийн Stora Inspires дугаартаа гэрээ илүү эмх цэгцтэй байлгах 7 чухал алхмуудыг танд зөвлөж байна 🤗

"Дөрвөн хайрцаг"-ны арга 📦

Энэхүү арга нь гэртээ байгаа бүх эд зүйлсээ эхнээс нь цэгцэлж хэрэггүй, ашиглахаа больсон зүйлээсээ ангижрахаас эхэлнэ.  Тухайн дөрвөн хайрцгийг доорх дөрвөн хэсэгт ангилаарай.

• Хадгалах
• Хандивлах
• Зарах
• Хаях 

Ангилахдаа ижил төстэй зүйлсийг нэг хэсэгт бүлэглээрэй. Жишээ нь бүх номуудыг нэг газар хадгалах, гал тогооны хэрэгслийг төрөл төрлөөр (халбага сэрээ, хоол хийх хэрэгсэл, аяга таваг гэх мэтээр) ангилна.

Хадгалах өөр шийдлүүдийг ашиглах 🛒

Өөрт байгаа эд агуурсаа эмхлэхэд сав, хайрцаг, ангилагч, таславч зэрэгт хөрөнгө оруулах нь хамгийн чухал шүү. Тухайн сав хайрцгуудаа нэрлэх нь мөн хайсан зүйлээ хурдан олоход тань тусална.

Ангилал, ангиллаар тохижуулах 🎈

Ном унших булан, хүүхдийн тоглох хэсэг эсвэл гэрийн оффис гэх мэт хэсгүүдээ яг тухайн төрөл зүйлээр нь тохижуулаарай. Ингэснээр таны гэрийг илүү эмх цэгцтэй, цэвэрхэн, тухтай харагдуулах болно.

Хөндлөн зайнаас зайлсхийх 👀

Ханын тавиур эсвэл босоо шүүгээ ашиглан эд зүйлсээ хадгалж зай талбайгаа ухаалаг ашиглаарай.

Улирлаар ангилах 🍂

Гурван сардаа буюу улиралдаа нэг удаа эд зүйлсээ ахин цэгцлэх. Ингэснээр улирал солигдоход бидний өдөр тутмын амьдралд өөрчлөлт ордог шиг гэрийн эд зүйлсийн ашиглалт ч мөн адил өөрчлөгддөг.

Нүдэнд харагдаж буй орчноо илүү минимал байлгах ✨

Ширээ, шүүгээний тавиур зэргийг хоосон байлга. Зөвхөн байнга ашигладаг цөөхөн зүйлсийг харагдуулахаар байрлуулж бусдыг нь далд хийх нь эмх цэгцтэй бөгөөд гэрийг цэвэрхэн харагдуулна. Нэмээд стрессийн түвшинг ч бууруулдаг шүү.

Ашигладаггүй орон зайг ашиглах 🧐

Гэрийнхээ сул булан тохойг ашиглан илүү их зүйл хадгалах боломжтой гэдгийг та мэдэх үү. Орны доод зай болон хаалганы ард байгаа зай гэх мэт анзаардаггүй ч гэрт маш олон хоосон зай ашиглагдахаа хүлээгээд байж байдаг шүү.

Дээрх аргуудыг ашиглан гэртээ эмх цэгц, тав тухыг бүтээгээрэй.