Stora.mn нь Стора Централ компанийн албан ёсны вебсайт бөгөөд хэрэглэгч та вебсайтыг ашиглахын өмнө үйлчилгээний журмыг сайтар уншиж танилцана уу.

Энэхүү журам нь 2021 оны 5 дугаар сарын 1-ий өдрөөс хүчин төгөлдөр үйлчилнэ.

Үйлчилгээний журамд заагдсан нэр томьёог доор дурдсан утгаар ойлгоно. Үүнд,

• “Stora.mn” гэдэг нь Стора Централ компанийн албан ёсны вебсайтыг;
• “Бид”, “Манай” гэдэг нь Стора Централ компанийг;
• “Та” гэдэг нь Stora.mn вебсайтын хэрэглэгчийг
• “Стора үйлчилгээ” гэдэг нь Стора програм хангамж, дижитал контент, бидний зүгээс хэрэглэгчид үзүүлж буй тусламж, үйлчилгээг;
• “Стора програм хангамж” гэдэг нь вебсайтын програм хангамжийг /үүнд гуравдагч этгээдийн Дижитал контент хамаарахгүй/;
• “Төхөөрөмж” гэдэг нь суурин болон зөөврийн компьютер, таблет, гар утас, бусад ижил төрлийн хэрэгслүүдийг;
• “Stora.mn”гэдэг нь Стора Централ компанийн албан ёсны вебсайтыг;
• “Дижитал контент” гэдэг нь видео, хөгжим, аппликейшн, тоглоом, гэрэл зураг, аудио, ном, сонин, сэтгүүл зэрэг дижитал хэлбэр бүхий контентыг тус тус ойлгоно.

Та манай вебсайтад www.stora.mn холбоосоор нэвтрэх бөгөөд бидний үйлчилгээтэй танилцах, үйлчилгээ авах бүрт энэхүү Үйлчилгээний журам мөрдөгдөж, таныг уг журмыг хүлээн зөвшөөрсөнд тооцно.

Уг журмыг хүлээн зөвшөөрөөгүй тохиолдолд Стора үйлчилгээнд нэвтрэх болон ашиглах эрх үүсэхгүй.

Хэрэглэгч нь Stora.mn вебсайтад www.stora.mn холбоосоор нэвтэрсэн үеэс эхлэн бидний үйлчилгээтэй танилцах, үйлчлүүлэх бүрд Үйлчилгээнд нөхцөл мөрдөгдөх бөгөөд тухайн үеэс уг нөхцөлийг хүлээн зөвшөөрсөнд тооцно.

Стора үйлчилгээг ашиглах явцад зарим тохиолдолд нэмэлт нөхцөл шаардагдаж болно. Ашиглах нөхцөл болон Үйлчилгээний нөхцөл хоорондоо зөрчилдсөн тохиолдолд Үйлчилгээний нөхцөлийг баримтална.

Та өөрийн компьютер болон гар утсаар Stora.mn вебсайтад нэвтэрч, Стора Үйлчилгээг ашиглах, бидэнд и-мэйл, мессеж илгээхийг цахимаар холбогдсон гэж үзнэ.

Ингэснээр та и-мэйл, мессэж, ухаалаг утсан дээрх сонордуулга, Stora.mn вебсайт, мессежийн төвөөр дамжуулан бидэнтэй холбогдохыг зөвшөөрч байгаа ба бид шаардлагатай үед хууль тогтоомжинд заасны дагуу мэдээллийг танд бичгээр хүргүүлнэ.

Стора Үйлчилгээг ашиглахын тулд хэрэглэгчээр бүртгүүлж, хүчин төгөлдөр дансны мэдээллийг оруулах шаардлагатай. Төлбөр хийгдэх үед таны сонгосон төлбөрийн хэрэгсэлтэй холбоотой алдаа гарвал бид таны өөр төрлийн төлбөрийн хэрэгслээс татан авна. Та өөрийн бүртгэл хэсэгрүү нэвтэрч төлбөрийн хэрэгслээ сонгоно уу.

Та өөрийн бүртгэл, нууц үгийн аюулгүй байдлыг хангах үүрэгтэй бөгөөд таны бүртгэлээс хийгдсэн аливаа үйлдлийг хэрэглэгч өөрөө бүрэн хариуцна. Stora.mn вебсайтын хүүхдэд зориулсан бараа бүтээгдэхүүнийг зөвхөн насанд хүрсэн хүн зөвшөөрөгдсөн төлбөрийн хэрэгслээр тооцоо хийж, худалдан авах боломжтой. Та 18 нас хүрээгүй бол зөвхөн эцэг эх болон асран хамгаалагчийн хамт Стора Үйлчилгээг ашиглахыг анхаарна уу.

Stora.mn вебсайтад бусдыг заналхийлсэн, гүтгэлгийн шинжтэй, хувийн нууцад халдсан, гуравдагч этгээдэд хохиролтой, оюуны өмчийн эрх, хэвлэн нийтлэх эрхийг зөрчсөн, хууль бус, ёс зүйгүй, улс төрийн шинж чанартай, арилжааны өдөөн хатгалга болон программ хангамжийн вирус агуулсан, сүлжээ захиа, масс и-мэйл болон өөр бусад төрлийн “спам” бүхий асуулт, шүүмж, сэтгэгдэл, зөвлөгөө, зураг, дүрс бичлэг, контент оруулах, цахим карт илгээхийг хориглоно. Хуурамч и-мэйл хаяг, өөр хүний болон албан байгууллагын нэрийг ашиглах, өөрийн оруулсан контентын эх сурвалжийг төөрөгдүүлэхийг хориглоно.

Бид ийм төрлийн мэдээллийг устгах, засах эрхтэй ба хянах үүрэг хүлээхгүй болно.

Бараа бүтээгдэхүүний үнийг үйлдвэрлэгч, бэлтгэн нийлүүлэгч өөрөө тогтоох бөгөөд бид тэдний санал болгож буй үнийг бусад онлайн дэлгүүрүүдийн үнэтэй харьцуулж судалгаа хийдэг.

Бид захиалга хүлээж авахаас өмнө барааны үнийг баталгаажуулах боломжгүй. Стора-ийн үнэ каталог дээрхи үнээс өндөр байвал ачилт хийгдэхээс өмнө бид тантай холбогдож асуудлыг шийдэх, эсвэл захиалгыг цуцалж танд мэдэгдэх болно.

Вебсайтын үнэ нь зөвхөн барааны үнэ бөгөөд тээврийн зардлыг тусад нь тооцохыг анхаарна уу.

1 кг хүртэлх ачааны тээврийн зардал $9 байх бөгөөд 1 килограммаас их жинтэй ачааг 100г бүрд $0.9 байхаар тооцож тээврийн зардлыг бодно.

Агаарын ачааны хувьд олон улсын агаарын тээврийн үнэлгээний журмын дагуу тухайн ачааны бодит жин болон овор хэмжээг харьцуулан үзээд аль ихээр нь тээврийн төлбөр бодогддог. Жишээ нь, 65 инчийн зурагт, хайрцагтай бодит жин 31кг боловч овор хэмжээ нь 160см x 95см x 20см бол жин-г 160*95*20/6000=50.7кг гэж тооцно (урт x өндөр x өргөн = гарсан дүн , 6000 = эзэлхүүнд оногдсон кг. Хэрвээ инчээр эзлэхүүн бодсон бол 366-д хуваана)