Та өөрийн сонирхож буй барааны загварын нэрийг эсвэл барааны линкийг сайтын хайлт хэсэгт хуулж тавьснаар барааны үр дүнгэ харж үнэ, хүргэлтийн тов зэрэг дэлгэрэнгүй мэдээлэл авах боломжтой.

Америкаас захиалсан бараа Америк дахь агуулахад хүргэгдсэн бол тухайн долоо хоногийн Пүрэв гарагт Улаанбаатар руу илгээгдэж, 7-10 хоногийн дотор ирнэ. Хятадаас захиалсан бараа Эрээн дэх агуулахад хүргэгдсэн бол Улаанбаатарт 7-10 хоногийн дотор ирнэ.

Та захиалга хийхдээ барааны үндсэн үнийн дүн болон худалдан авалтын шимтгэлийг төлж, нэмэлтээр тухайн бараа татвар болон олон улс доторх хүргэлттэй бол тэдгээрийг төлнө. Харин тээврийн төлбөрийг таны худалдан авсан бараа бүтээгдэхүүнийг Стора агуулахад хүлээн авсны дараа тооцож, нэхэмжлэх болохыг анхаарна уу.

Америкаас захиалсан бараа нь 0.5 кг хүртэлх жинтэй бол тээврийн төлбөр нь тогтмол $5.5 байх бөгөөд 0.5 кг-с их жинтэй бол тухайн жинг $10.99 үржүүлнэ. Өөрөөр хэлбэл 1кг= $10.99 байна. Хятадаас захиалсан бараа нь овор хэмжээ бага ч жин ихтэй байх бол 0.01-1 кг хүртэлх тээврийн төлбөр нь тогтмол ¥6 байх бөгөөд 1 кг-с их жинтэй бол тухайн жинг ¥6 үржүүлнэ. Өөрөөр хэлбэл 1 кг=¥6. Хэрэв Хятадаас захиалсан бараа нь овор хэмжээ ихтэй жин багатай бол оврын жингээр буюу 1м3 нь ¥600 байна.

Захиалга нь өөрийн жингээс гадна сав баглаа боодлын хамт ирдэг тул барааг ирсний дараа бодит жинг хэмжин тээврийн зардлыг бодон гаргадаг. Мөн агаарын ачааны хувьд олон улсын агаарын тээврийн үнэлгээний журмын дагуу тухайн ачааны бодит жин болон овор хэмжээг харьцуулан үзээд аль ихээр нь тээврийн төлбөр бодогддог.

Хэрэв та нэг ижил төрлийн бараанаас 2-с дээш тоогоор захиалсан эсвэл төлсөн төлбөр тань 5,500,000 төгрөгөөс их /зөөврийн компьютерийн хувьд 16,500,000 төгрөгөөс их/ дүнтэй захиалга хийсэн бол захиалга гааль дээр саатна. Энэ тохиолдолд харилцагч та гаалийн баталгаат агуулахаас өөрийн биеэр очин бараагаа авах ба бидний зүгээс гаалийн бүрдүүлэлтэнд шаардагдах материалуудаар хангах үүрэгтэй.