www.stora.mn нь Стора Централ ХХК-ийн албан ёсны вебсайт бөгөөд хэрэглэгч та вебсайтыг ашиглахын өмнө үйлчилгээний журмыг сайтар уншиж танилцана уу.
Энэхүү журам нь 2025 оны 01 дүгээр сарын 09-ний өдрөөс хүчин төгөлдөр үйлчилнэ.
Үйлчилгээний журамд заагдсан нэр томьёог доор дурдсан утгаар ойлгоно. Үүнд: 

• “www.stora.mn” гэдэг нь Стора Централ компанийн албан ёсны вебсайтыг;
• “Бид”, “Манай” гэдэг нь Стора Централ ХХК-г;
• “Хэрэглэгч” гэдэг нь Stora.mn вебсайтын үйлчилгээний журам, нөхцөлийг хүлээн зөвшөөрч, үйлчилгээ авч буй иргэн, хуулийн этгээдийг
• “Стора үйлчилгээ” гэдэг нь Стора програм хангамж, дижитал контент, бидний зүгээс хэрэглэгчид үзүүлж буй тусламж, үйлчилгээг;
• “Стора програм хангамж” гэдэг нь вебсайтын програм хангамжийг /үүнд гуравдагч этгээдийн Дижитал контент хамаарахгүй/;
• “Төхөөрөмж” гэдэг нь суурин болон зөөврийн компьютер, таблет, гар утас, бусад ижил төрлийн хэрэгслүүдийг;
• “Дижитал контент” гэдэг нь видео, хөгжим, аппликейшн, тоглоом, гэрэл зураг, аудио, ном, сонин, сэтгүүл зэрэг дижитал хэлбэр бүхий контентыг тус тус ойлгоно.
• "Сторабокс" гэдэг нь Монгол Улсад үйл ажиллагаа явуулж буй CU ая тухтай дэлгүүрийн салбарт байрлах төмөр хайрцгийг гэж тус тус ойлгоно.

Хэрэглэгч www.stora.mn сайтад нэвтэрч бүртгүүлэхдээ Үйлчилгээний журам болон нөхцөлтэй уншиж, танилцах үүрэгтэй. 

Та манай вебсайтад www.stora.mn холбоосоор нэвтрэх бөгөөд бидний үйлчилгээтэй танилцан, үйлчилгээ авах бүрт Үйлчилгээний журам болон нөхцөлийг хүлээн зөвшөөрсөнд тооцно. 

Уг журам болон нөхцөлийг хүлээн зөвшөөрөөгүй тохиолдолд Стора үйлчилгээнд нэвтрэх болон ашиглах эрх үүсэхгүй.

Стора үйлчилгээнд багтсан текст, график, лого, товчлуурын дүрс, зураг, аудио клип, дижитал татан авалт, өгөгдлийн эмхэтгэл, програм хангамж зэрэг бүх бүтээлүүд нь Стора болон контент нийлүүлэгчдийн өмч бөгөөд Монгол улс ба Олон улсын зохиогчийн эрхээр хамгаалагдсан болно. Хэрэглэгч нь зөвхөн энэхүү журамд нийцүүлэн уг системийг ашиглана. Стора болон контен нийлүүлэгчдийн өмчлөгчий зөвшөөрөлгүйгээр контентыг хувилж тараах, нийтлэх, арилжааны зорилгоор ашиглахыг хориглоно.

Стора нь бусдын оюуны өмчийн эрхийг хүндэтгэж ажилладаг ба та оюуны өмчийн эрх зөрчигдөж байна гэж үзвэл бидэнд хандана уу.

Стора Централ ХХК нь хэрэглэгчийн мэдээллийн нууцлалыг нэн тэргүүнд тавьж, халдашгүй байдлыг бүрэн хангаж ажиллана. Хэрэглэгчийн хувийн мэдээллийг цуглуулах, ашиглах, нээлттэй болгох талаар Стора Централ ХХК-ийн Нууцлалын бодлого баримтаас уншиж танилцана уу. Та www.stora.mn вебсайтад нэвтэрч, ашиглаж эхэлснээр энэхүү Нууцлалын бодлого, Үйлчилгээний нөхцөлийг тус тус дагаж мөрдөхөө хүлээн зөвшөөрч байна гэж үзнэ.

Хэрэглэгч та манай үйлчилгээг авахын тулд www.stora.mn вебсайтад бүртгэлээ үүсгэж, хүчинтэй төлбөрийн хэрэгслийг холбосон байх шаардлагатай.

Та өөрийн компьютер болон гар утсаар www.stora.mn вебсайтад нэвтэрч, Стора Үйлчилгээг ашиглах, бидэнд и-мэйл, мессеж илгээхийг цахимаар холбогдсон гэж үзнэ. 
Ингэснээр та и-мэйл, мессэж, ухаалаг утсан дээрх сонордуулга, www.stora.mn вебсайт, мессежийн төвөөр дамжуулан бидэнтэй холбогдохыг зөвшөөрч байгаа ба бид шаардлагатай үед хууль тогтоомжинд заасны дагуу мэдээллийг танд бичгээр хүргүүлнэ.

Бидний танд санал болгож буй Стора Үйлчилгээ нь цаг хугацааны хувьд хязгаартай, нэмэлт бүртгэл болон төлбөр шаардах, эсвэл бид зарим үйлчилгээгээ түр хугацаанд зогсоосон байх боломжтой.

• Стора Үйлчилгээг ашиглахын тулд хэрэглэгчээр бүртгүүлж, хүчин төгөлдөр дансны мэдээллийг оруулах шаардлагатай. Төлбөр хийгдэх үед таны сонгосон төлбөрийн хэрэгсэлтэй холбоотой алдаа гарвал бид таны өөр төрлийн төлбөрийн хэрэгслээс татан авах бөгөөд уг үйлчилгээний журмыг хүлээн зөвшөөрснөөр та энэ үйлдэл хийх эрхийг бидэнд олгосон гэж үзнэ. Та өөрийн бүртгэл хэсэгрүү нэвтэрч төлбөрийн хэрэгслээ сонгоно уу.
• Та өөрийн бүртгэл, нууц үгийн аюулгүй байдлыг хангах үүрэгтэй бөгөөд таны бүртгэлээс хийгдсэн аливаа үйлдлийг хэрэглэгч өөрөө бүрэн хариуцна. www.stora.mn вебсайтын хүүхдэд зориулсан бараа бүтээгдэхүүнийг зөвхөн насанд хүрсэн хүн зөвшөөрөгдсөн төлбөрийн хэрэгслээр тооцоо хийж, худалдан авах боломжтой. Та 18 нас хүрээгүй бол зөвхөн эцэг эх болон асран хамгаалагчийн хамт Стора Үйлчилгээг ашиглахыг анхаарна уу.

Бид Стора Програм хангамжаараа дамжуулан таны хэрэглэж буй төхөөрөмж, түүний ашиглалт, сонирхож буй дижитал контент, хийсэн хайлт, хэрэглээний дата, санах ойн багтаамж, интернэт холболт зэргээс Стора Үйлчилгээтэй холбоотой мэдээлэл авдаг бөгөөд уг мэдээллийг Стора Нууцлалын Бодлогын дагуу ашиглана. Та тодорхой мэдээллийг нууцлахыг хүсвэл гар утасныхаа Тохиргоо цэсэнд хандана уу. 
Бид үйлчилгээгээ сайжруулах зорилгоор www.stora.mn вебсайтад байгаа мэдээллийг Монгол Улсаас гадуур серверт болон үүлэн системд байршуулж болно.

Хэрэглэгч гуравдагч этгээд болон бусдад дамжуулсан аливаа мэдээллийн аюулгүй байдлыг өөрөө хариуцна. Гуравдагч этгээдэд хуваалцсан таны мэдээллийг хэрхэн ашиглах нь тухайн этгээдийн нууцлалын бодлого болон бусад журам, нөхцөлөөр зохицуулагдана.

Бид үйлчилгээний журам нөхцөл, үйлчилгээндээ шинэчлэл хийх тохиолдолд урьдчилан мэдэгдэлгүйгээр Стора Үйлчилгээний нөхцөлийг хэсэгчилж эсвэл бүхэлд нь өөрчлөх, түр хугацаагаар эсвэл бүр мөсөн зогсоож болно. Бид гэрээний нөхцөлийг дангаараа өөрчлөх, сайжруулах эрхтэй. Үйлчилгээний журам, нөхцөлд өөрчлөлт хийсэн даруйд шинэчилсэн нөхцөлийг www.stora.mn вебсайт дээр байршуулна. Шинэчилсэн журам, нөхцөл хүчин төгөлдөр болсон өдрөөс эхлэн Стора Үйлчилгээг ашигласнаар шинэ журам, нөхцөлийг дагаж мөрдөнө.

Энэхүү үйлчилгээний журамтай холбоотой аливаа маргааныг Монгол Улсын холбогдох хууль тогтоомж, Стора Үйлчилгээний Нөхцөл, эрх үүргийн хязгаарлалт болон бусад нөхцөлүүдэд заасны дагуу тус дарааллын дагуу шийдвэрлэнэ.
Хэрэглэгч Стора Үйлчилгээг ашиглаж эхэлснээр “Стора Үйлчилгээний журам болон нөхцөл”-ийг хүлээн зөшөөрсөнд тооцно. Хэрэглэгч үйлчилгээ авахтай холбогдон гарсан аливаа маргааныг “Стора Үйлчилгээний журам болон нөхцөл”-ийн дагуу шийдвэрлэнэ.

Та энэхүү гэрээний аль нэг нөхцөлийг зөрчсөн тохиолдолд таны Стора Үйлчилгээнд нэвтрэх эрх хаагдана.

Хэрэглэгчийн ашиглаж байгаа төхөөрөмжтэй холбоотойгоор үүсч болох Стора Үйлчилгээтэй хамааралгүй аливаа асуудалд бид хариуцлага хүлээхгүй.

www.stora.mn вебсайтад бусдыг заналхийлсэн, гүтгэлгийн шинжтэй, хувийн нууцад халдсан, гуравдагч этгээдэд хохиролтой, оюуны өмчийн эрх, хэвлэн нийтлэх эрхийг зөрчсөн, хууль бус, ёс зүйгүй, улс төрийн шинж чанартай, арилжааны өдөөн хатгалга болон программ хангамжийн вирус агуулсан, сүлжээ захиа, масс и-мэйл болон өөр бусад төрлийн “спам” бүхий асуулт, шүүмж, сэтгэгдэл, зөвлөгөө, зураг, дүрс бичлэг, контент оруулах, цахим карт илгээхийг хориглоно. Хуурамч и-мэйл хаяг, өөр хүний болон албан байгууллагын нэрийг ашиглах, өөрийн оруулсан контентын эх сурвалжийг төөрөгдүүлэхийг хориглоно.
Бид ийм төрлийн мэдээллийг устгах, засах эрхтэй боловч хянах үүрэг хүлээхгүй болно.

Та Стора Үйлчилгээ, Дижитал контент, Стора Програм хангамжтай холбоотой тусламж авах бол 75077570 дугаарын лавлах утас, support@stora.mn мэйл хаяг, Stora фэйсбүүк чатаар холбогдоно уу. /Даваа-Ням 08:00-20:00/

Энэхүү Үйлчилгээний ерөнхий нөхцөл (“ҮЕН”) нь Хэрэглэгч болон Стора Централ ХХК-ийн хооронд үүсэх Хэрэглэгч Стора захиалгын платформд бүртгүүлэх, нэвтрэх, бүртгэл дээрээ үндэслэн бараа бүтээгдэхүүн худалдан авах захиалга хийх, захиалгаа цуцлах, бараа бүтээгдэхүүнээ хүргүүлэн авах, бараа бүтээгдэхүүнийг буцаахтай холбоотой үүсэх харилцааг зохицуулна. 

Үйлчилгээний ерөнхий нөхцөлд хэрэглэсэн дараах нэр томьёог дор дурдсан утгаар ойлгоно. Үүнд: 

“Стора Централ ХХК”, “Стора”, “Бид” эсхүл “Манай” гэдэг нь дэлхийн тэргүүлэгч худалдааны платформууд /дэлгүүрүүд/ дээрх бараа бүтээгдэхүүнийг Хэрэглэгчид санал болгон, худалдан авах захиалга хийх, бараа бүтээгдэхүүнийг хүргүүлэн авах боломжийг олгодог худалдааны зуучлалын үйлчилгээ үзүүлэгч компанийг;  

“Стора захиалгын платформ” гэдэг нь Стора Централ ХХК-ийн хөгжүүлсэн Хэрэглэгчийн захиалга, худалдан авалт хийхэд зориулсан https://stora.mn веб болон ухаалаг утсанд зориулсан Stora аппликейшн (“Стора” гэх)-ийг; 

“Хэрэглэгч” эсхүл “Та”, “Танд” гэдэг нь Үйлчилгээний ерөнхий нөхцөлийг хүлээн зөвшөөрсөн, иргэний эрх зүй бүрэн чадамжтай иргэн болон хуулийн этгээдийг; 

“Захиалга” гэж Хэрэглэгч худалдан авахаар сонгосон бараа бүтээгдэхүүн, үйлчилгээний төлбөр төлснийг; 

“Захиалгын мэдээлэл” гэж Хэрэглэгчийн захиалгатай холбоотой бараа бүтээгдэхүүн, үйлчилгээний нэр, төрөл, загвар, өнгө, хэмжээ, тоо ширхэг, үнэ, хүргэлтийн хаяг (үүгээр хязгаарлагдахгүй) зэрэг мэдээллийг; 

“Захиалга цуцлах” гэж Хэрэглэгчийн захиалга хүлээн авах болон хүлээн авсны дараах хугацаанд ҮЕН-ийн Захиалга цуцлах нөхцөл, журамд заасан үндэслэлээр захиалга цуцалж буй үйлдлийг; 

“Гадаад агуулах” гэж Сторагийн Америк болон Хятад дах агуулахыг; 

“Бараа солиулах болон буцаах” гэж Хэрэглэгч бараа бүтээгдэхүүнээ хүлээн авснаас хойш ҮЕН-ийн Бараа солих болон буцаах нөхцөл, журамд заасан үндэслэлээр буцааж буй үйлдлийг; 

“Хувийн бүртгэл” гэж Хэрэглэгч ҮЕН-д заасан мэдээллийг Стора змхиалгын платформд бүртгүүлсэн, эсхүл дамжуулах зөвшөөрөл өгснөөр Хэрэглэгчийн нэр дээр үүсэх худалдан авах захиалга хийх эрх үүсгэж буй бүртгэлийг; 

“Дэлгүүр” гэж Стора захиалгын системээс санал болгож буй бараа бүтээгдэхүүнийг худалдан борлуулж буй онлайн дэлгүүр, компани эсхүл хувь хүнийг; 

“Үйлчилгээний үнэ” гэж нэмэгдсэн өртгийн албан татвар (цаашид “НӨАТ” гэх) нэмэгдсэн үйлчилгээний эцсийн үнийг; 

“Хүргэлтийн хөлс” гэж Захиалгыг Хэрэглэгчийн өгсөн хаягт хүргэхтэй холбоотой ҮЕН-д заасан хөлсийг; 

“Захиалгын нийт үнийн дүн” эсхүл “Нийт төлбөр” гэж Хэрэглэгчийн өгсөн захиалгатай холбоотойгоор Сторад төлбөл зохих үнийн дүн буюу бараа бүтээгдэхүүний үнэ болон ҮЕН-д заасан үйлчилгээний төлбөрийн нийлбэрийг; 

“Доголдол” гэж бараа бүтээгдэхүүний биет байдлын болон эрхийн доголдлыг; 

“Санал хүсэлт” гэж Сторагийн үйл ажиллагааг, үйлчилгээг сайжруулах талаар гаргасан Хэрэглэгчийн хүсэлтийг; 

“Гомдол” гэж Сторагийн үйл ажиллагаа, үйлчилгээнээс шалтгаалж Хэрэглэгчийн хуулиар хамгаалагдсан эрх, эрх чөлөө, ашиг сонирхол зөрчигдсөн гэж үзэж Хэрэглэгчийн гаргасан хүсэлтийг; 

“Стора аппликейшн” гэж Хэрэглэгч ухаалаг гар утас, бусад төхөөрөмжид татан авч ашиглах боломжтой, Стора Централ ХХК-ийн хөгжүүлж, Стора захиалгын платформыг байршуулсан өөрийн программ хангамжийг; 

“Цахим гарын үсэг” гэж Хэрэглэгчийг танин баталгаажуулах үйл ажиллагаанд хэрэглэж буй нэвтрэх нууц үг, баталгаажилтын нэг удаагийн нууц үг, бусад цахим өгөгдлийг; 

“Стора үйлчилгээ” гэдэг нь Стора програм хангамж, дижитал контент, бидний зүгээс хэрэглэгчид үзүүлж буй тусламж, үйлчилгээг; 

"Сторабокс" гэдэг нь Монгол Улсад үйл ажиллагаа явуулж буй CU дэлгүүрийн салбарт байрлах өөрөө өөртэй үйлчлэх ухаалаг төмөр хайрцагийг тус тус ойлгоно. 

Хэрэглэгч Стора захиалгын платформд нэвтэрч бүртгүүлэхээс өмнө Үйлчилгээний ерөнхий нөхцөл-тэй бүрэн танилцах үүрэгтэй. Үйлчилгээний ерөнхий нөхцөлтэй бүрэн танилцаж, зөвшөөрөх тохиолдолд “Би зөвшөөрч байна.” гэсэн сонголтыг идэвхжүүлснээр Хэрэглэгчийг зөвшөөрсөнд тооцно. 

Хэрэв Хэрэглэгч Үйлчилгээний ерөнхий нөхцөлийг зөвшөөрөхгүй тохиолдолд хүлээн зөвшөөрөхөөс татгалзах эрхтэй. Ийнхүү татгалзсан тохиолдолд Стора захиалгын платформыг зориулалтын дагуу бүрэн ашиглах боломжгүй болохыг анхаарна уу. 

Стора захиалгын платформыг ашиглах явцад зарим тохиолдолд нэмэлт нөхцөл шаардагдаж болно. Ашиглах нөхцөл болон Үйлчилгээний ерөнхий нөхцөл хоорондоо зөрчилдсөн тохиолдолд Үйлчилгээний ерөнхий нөхцөл-ийг баримтална. 

Стора захиалгын платформд байршуулсан бараа бүтээгдэхүүнийг гадаад болон дотоодоос зуучлан нийлүүлэх гэж ангилна. Гадаадаас зуучлан нийлүүлэх бараа бүтээгдэхүүний хувьд улс хоорондын тээвэрлэлт болон хил, гаалийн үйл ажиллагаанаас шалтгаалан барааг Хэрэглэгчид хүргэх хугацаа тодорхой хугацаагаар хойшлогдож болзошгүй байдаг тул тухай бүр Сторагаас Хэрэглэгчид мэдээллийг хүргэнэ.  

Зарим төрлийн бараа бүтээгдэхүүнийг улс хоорондын шуудан илгээмжээр, агаараар тээвэрлэхийг хориглосон мөн Монгол Улсын хил, гаалиар нэвтрүүлэхийг хязгаарласан, хориглосон байдаг тул хэрэв тийм бараа бүтээгдэхүүнийг худалдан авахаар захиалсан тохиолдолд захиалга цуцлагдах болохыг анхаарна уу. Жишээлбэл: бүх төрлийн галт зэвсэг, галт хэрэгсэл, эм, эмнэлэгийн хэрэгсэл, шатамхай шингэн, бүх төрлийн батерей, литиум батерей эсхүл түүнийг агуулсан зөөврийн цэнэглэгч гэх мэт. 

Хэрэглэгч нь иргэний эрх зүйн бүрэн чадамжтай иргэн байх бөгөөд насанд хүрээгүй хүүхэд хууль ёсны төлөөлөгч (эцэг, эх), харгалзан дэмжигч, асран хамгаалагчийн хамт Үйлчилгээний ерөнхий нөхцөлийн дагуу худалдан авах захиалга хийх боломжтой болохыг анхаарна уу. 

Үйлчилгээний ерөнхий нөхцөлийн хэрэгжилтэд Хэрэглэгч, Стора Централ ХХК хамтран хяналт тавина. 

Стора захиалгын платформыг ашиглахын тулд Хэрэглэгчээр бүртгүүлж, өөрийн үнэн зөв, бодит мэдээллийг оруулах шаардлагатай. Хэрэглэгчээр бүртгүүлэхдээ Стора захиалгын платформын Нэвтрэх хэсгийг сонгон “Нэвтрэх” болон “Бүртгүүлэх” гэсэн сонголтын аль нэгийг сонгож өөрийн цахим хаяг болон гар утасны дугаарыг илгээнэ.  

Стора захиалгын платформоос Хэрэглэгчийн цахим хаяг болон гар утасны дугаар луу нэвтрэх нэг удаагийн нууц үг бүхий цахим гарын үсгийг илгээнэ. Хэрэглэгч нь тухайн цахим гарын үсгээр нэвтэрсний дараа нэвтрэх шинэ нууц үг болох өөрийгөө тодорхойлох цахим гарын үсэг зохиож, өөрийн хувийн мэдээллийн аюулгүй байдлыг хангах үүрэгтэй. 

Стора захиалгын платформд зөвхөн утасны дугаараар бүртгүүлэх ба бүртгүүлсний дараа өөрийн аккаунтаа facebook, google, apple ID хаягуудтайгаа холбон дараа нь аль нэгээр нь нэвтэрч ашиглах боломжтой. 

Стора захиалгын платформд Хэрэглэгчээр бүртгүүлснээр бараа бүтээгдэхүүн худалдан авах захиалга хийх, төлбөрийг төлөх, захиалгын явцыг хянах, тээврийн төлбөрийг төлөх, худалдан авсан барааг хүлээн авах Storabox-ийг өөрчлөх, код авах, хэтэвчээс зарцуулалт хийх, хүслийн жагсаалт үүсгэх зэрэг боломжтой болно. Иймд Хэрэглэгчийн бүртгэлээс хийгдсэн аливаа үйлдлийг Хэрэглэгч өөрөө бүрэн хариуцна. 

Хэрэглэгч Стора захиалгын платформд нэвтрэх цахим хаяг болон цахим гарын үсгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт болон бусдад учирсан аливаа хохирлыг Хэрэглэгч өөрөө бүрэн хариуцна. 

Хэрэглэгч Стора захиалгын платформын талаар санал хүсэлтийг чөлөөтэй илэрхийлэх, илгээх, гомдол гаргах эрхтэй бөгөөд Үйлчилгээний төвийн 7507-7570 дугаар руу дуудлага хийх, https://www.facebook.com/stora-д хандан мессэж илгээх, эсхүл support@stora.mn цахим хаяг руу имэйл илгээх боломжтой. Санал хүсэлт, гомдол хүлээн авах, шийдвэрлэх тухай журмыг эндээс үзнэ үү. 

Хэрэглэгч өөрийн мэдээллийн үнэн зөв, бодит байдалд бүрэн хариуцлага хүлээнэ. Стора Централ ХХК нь өөрийн захиалгын платформын хэвийн ажиллагаа, мэдээллийн аюулгүй байдал, мэдээллийн нууцлалд бүрэн хариуцлага хүлээнэ. 

Захиалга хийх: Хэрэглэгч Стора захиалгын платформыг ашиглан 24 цагийн аль ч цагт хэдэн ч удаа бараа бүтээгдэхүүнийг худалдан авах захиалга хийж болох ба төрөл бүрийн бараа бүтээгдэхүүнийг захиалж болно. 

Захиалга баталгаажих эсхүл цуцлагдах: Хэрэглэгч худалдан авах захиалга хийж зааврын дагуу төлбөрийг 100% урьдчилж төлнө. Стора Хэрэглэгчийн захиалгыг 12 цагийн дотор баталгаажуулах ба хэрэв энэ хугацаанд бараа бүтээгдэхүүнтэй холбоотой асуудал гарсан тухайлбал үнэд өөрчлөлт орсон, бараа бүтээгдэхүүн нь дуусч үлдэгдэлгүй болсон, эсхүл Сторагаар захиалах боломжгүй тохиолдолд 24 цагийн дотор Хэрэглэгчтэй холбогдож мэдэгдэнэ. Энэ тохиолдолд Хэрэглэгч захиалгыг дахин баталгаажуулах эсхүл цуцалж барааны үнийг буцаах хүсэлт өгч болно. 

Хэрэглэгчийн захиалга бүр дахин давтагдашгүй захиалгын дугаартай байх бөгөөд Захиалгууд цэсний Баталгаажсан, Цуцлагдсан, Хүргэгдсэн, Баталгаажаагүй захиалгын дэлгэрэнгүй мэдээллийг бараа тус бүрээр харах боломжтой. Хэрэглэгчийн захиалга баталгаажсаны дараа бүртгэлтэй гар утас болон цахим хаягаар нь захиалга баталгаажсан мэдээллийг хүргэнэ. 

Хэрэв Хэрэглэгч улс хоорондын шуудан илгээмжээр, агаараар тээвэрлэхийг хориглосон мөн Монгол Улсын хил, гаалиар нэвтрүүлэхийг хориглосон барааг захиалсан тохиолдолд захиалга цуцлагдах нөхцөл болохыг анхаарна уу. Иймд захиалга хийхээс өмнө таны захиалганд хориглосон бараа байгаа эсэхийг сайтар шалгана уу. Энэ тохиолдолд тухайн хориглосон бараанаас бусад барааны захиалга баталгаажна. Хориглосон барааны жагсаалтыг эндээс үзнэ үү.  

Хэрэглэгчийн захиалга амжилттай баталгаажсан тухай мэдэгдэл илгээгдэн захиалга баталгаажсанаас хойш зөвхөн дараах тохиолдолд барааг солих боломжтой байна. 

• Хэрэглэгчийн захиалсан тухайн бараа дэлгүүрээс хүргэлтэнд гараагүй үед;
• Баталгаажуулсан захиалгын барааг тухайн дэлгүүр буцаалт хийх боломжтой үед

Энэхүү нөхцөл нь зөвхөн Хэрэглэгчийн хүсэлтээр захиалгыг бүхэлд нь эсхүл захиалга доторх аль нэг эсхүл хэсэг барааг цуцлах нөхцөлд хамааралтай ба энэ тохиолдолд Стора үйлчилгээний төлбөр буцаан олгохгүй болохыг анхаарна уу. Барааны үнийг буцаан олгоход тухайн өдрийн дүнгээр /төгрөгөөр/ буцаан олгоно. 

Захиалга баталгаажихаас өмнө цуцлах: Хэрэглэгч худалдан авалтын захиалга хийхдээ бараа бүтээгдэхүүнийг худалдаалж буй дэлгүүр, бараа бүтээгдэхүүний тухай дэлгэрэнгүй танилцуулга, загвар, өнгө, хэмжээ, тоо ширхэг, үнэ, болон бусад худалдан авагч нарын өгсөн үнэлгээ, сэтгэгдэл зэрэг мэдээллүүдтэй сайтар танилцаж судлах ба захиалгыг давхар нягтлах үүрэгтэй. Бид урьдчилан сэргийлэх зорилгоор Хэрэглэгчид захиалга баталгаажуулах 12 цагийн хугацааг олгодог. Хэрэв Хэрэглэгч энэ хугацаанд захиалгыг бүхэлд нь эсхүл захиалга доторх аль нэг эсхүл хэсэг барааг цуцлах бол Стора захиалгын платформ дэх өөрийн акаунтаар нэвтэрч, Захиалгууд цэсний Баталгаажаагүй захиалга дотроос цуцлах захиалгыг сонгон идэвхжүүлж хүсэлтийг илгээх эсхүл Үйлчилгээний төвийн 7507-7570 дугаарт холбогдож цуцлах боломжтой. Стора нь захиалга цуцлагдсанаас хойш 24 цагийн дотор барааны үнийн буцаалтыг олгоно. Өөр бараагаар сольж захиалах боломжтой.  

Захиалга баталгаажсаны дараа цуцлах: Хэрэглэгч худалдан авалтын захиалга амжилттай баталгаажсаны дараа буюу бараа бүтээгдэхүүнийг худалдаалж буй дэлгүүрээс хүргэлтэнд гараагүй байгаа үед захиалгыг цуцлах бол Үйлчилгээний төвийн 7507-7570 дугаарт холбогдож, эсхүл https://www.facebook.com/stora-д хандан мессэж илгээж, эсхүл support@stora.mn хаяг руу имэйл илгээж цуцлах боломжтой байдаг ч бараа бүтээгдэхүүнийг худалдаалж буй дэлгүүрийн үйлчилгээний нөхцөлийн дагуу тухайн дэлгүүр нь зөвшөөрсөн тохиолдолд захиалга цуцлах болохыг анхаарна уу. Энэ тохиолдолд барааны үнийн буцаалтыг ажлын 3-5 хоногт олгоно. 

Захиалга Монгол руу тээвэрлэхээс өмнө цуцлах: Хэрэглэгч худалдан авалтын захиалга амжилттай баталгаажсаны дараа буюу:  

• Бараа бүтээгдэхүүнийг худалдаалж буй дэлгүүрээс хүргэлтэнд гарсан ч агуулахад хараахан хүргэгдээгүй замдаа явж байх үед; эсхүл
• Агуулахад хүргэгдсэн ч Монгол руу тээвэрлэлтэнд гараагүй байх үед  

захиалгыг цуцлах бол Хэрэглэгчийн үйлчилгээний төвийн 7507-7570 дугаарт холбогдож, эсхүл https://www.facebook.com/stora-д хандан мессэж илгээж, эсхүл support@stora.mn хаяг руу имэйл илгээж цуцлах боломжтой байдаг ч бараа бүтээгдэхүүнийг худалдаалж буй дэлгүүрийн үйлчилгээний нөхцөлийн дагуу тухайн дэлгүүр нь зөвшөөрсөн тохиолдолд барааг буцааж, захиалгыг цуцлана. Энэ тохиолдолд барааны буцаалттай холбоотой бүхий л зардлыг Хэрэглэгч хариуцах ба тухайн дэлгүүрээс барааны үнийн буцаалт орж ирсний дараа буцаалттай холбоотой зардлыг суутган Хэрэглэгчид буцаалтыг олгоно. 

Захиалга Монгол руу тээвэрлэгдсэний дараа цуцлах: Хэрэглэгч худалдан авалтын захиалга амжилттай баталгаажсаны дараа буюу захиалга нь Монгол руу тээвэрлэгдсэн буюу замдаа явж буй, эсхүл Монголд ирсэн бол цуцлах боломжгүй болохыг анхаарна уу. Энэ тохиолдолд барааны буцаах хүсэлт илгээх ба бараа солиулах болон буцаах нөхцөл, журмын дагуу шийдвэрлэнэ. 

Хэрэглэгч захиалгын явцын тухай мэдээллийг Стора захиалгын платформ дэх өөрийн аккаунтын Захиалгууд цэснээс харах боломжтой. Хэрэглэгчийн захиалганд бараа бүтээгдэхүүнийг худалдаалж буй дэлгүүрээс шалтгаалж дараах асуудлын аль нэг нь үүсч болзошгүйг анхаарна уу. Үүнд: 

• Дэлгүүр захиалгыг хэсэг хугацааны дараа цуцлах - Cancel reason: out of stock г.м; 
• Дэлгүүр захиалгыг хүргэлтэнд гаргахгүй удаах - Processing; 
• Захиалгыг хүргэлтэнд гаргасан ч товлосон хугацаанд агуулахад хүргэхгүй байх - Delay;                                                                          
• Захиалга хүргэлтэнд явж байх хугацаанд бараа бүтээгдэхүүн нь замдаа алга болох - Lost. 

Хэрэв дээр дурдсан шалтгаануудын улмаас Хэрэглэгчийн захиалга цуцлагдах эсхүл товлосон хугацаанаас хоцрох тохиолдолд Хэрэглэгчид мэдээллийг хүргэн, захиалгыг дахин баталгаажуулах эсхүл дахин баталгаажуулах боломжгүй бол цуцалж, бараа бүтээгдэхүүний үнийн буцаалт олгоно. Өөр бараагаар сольж захиалах боломжтой. 

Анхаар: Хэрэглэгчийн нэг захиалгын бараанууд тухайн дэлгүүрээс хамаарч өөр өөр өдөрт хүргэгдэн ирэх боломжтой. Хэрэглэгч захиалга хийх үед бараа тус бүрийн гадаад агуулахад хүргэгдэх өдрийг тооцоолон харуулдаг ба захиалга хийсэн тохиолдолд энэхүү хүргэлтийн нөхцөлийг зөвшөөрсөнд тооцно. 

Барааны төрөл, хэлбэр, жин, овор хэмжээнээс хамааран захиалга болон хүргэлт хийх хугацаа өөр байх боломжтой. Хэрэв Хэрэглэгчийн хийсэн захиалгын бараа онцгой шинж чанартай байх тохиолдолд тухайн үед нь Хэрэглэгчид мэдэгдэх, тодруулах, захиалгыг дахин баталгаажуулж хүргэлтийн нөхцөлийг тодорхойлох болно. 

Хэрэглэгч захиалга явцын талаар мэдээллийг Стора хийгдэх, захиалга амжилттай баталгаажсан, захиалга хүргэлтэд гарсан, агуулахад ирсэн зэрэг худалдан авалттай холбоотой   мэдээллийг захиалгын дэлгэрэнгүй хэсгээс авах боломжтой. Мөн Хэрэглэгчийн үйлчилгээний төвийн 7507-7570 дугаарт холбогдож, эсхүл https://www.facebook.com/stora-д хандан мессэж илгээж, эсхүл support@stora.mn хаяг руу имэйл илгээж нэмэлт мэдээлэл авах, тодруулах боломжтой. 

Стора нь агаар болон газраар улс болон тээврийн төрлөөс хамааран өөр өөр нөхцөл, журмаар тээвэрлэдэг.  

Улс хооронд бараа тээвэрлэх ерөнхий нөхцөл: 

Америкаас тээвэрлэх нөхцөл 

Стора нь Америкаас агаараар, улс хоорондын шуудан илгээмжийн журмаар Хэрэглэгчийн нэр, утасны дугаар, хаягаар тээвэрлэдэг тул Хэрэглэгч гаалийн татварын чөлөөлөлтөнд орохын тулд:  

• 1 ижил төрлийн бараанаас 2-оос илүүгүй тоогоор захиалах, 
• Барааны дүн, тээврийн зардлын нийлбэр дүн 6,600,000 төгрөгөөс бага байх /зөөврийн компьютерын хувьд 19,800,000 төгрөг хүртэл/. 

Хэрэв 1 ижил бараанаас 2-оос дээш тоогоор, эсхүл барааны дүн болон тээврийн зардлын нийлбэр дүн 6,600,000 төгрөгөөс их /зөөврийн компьютерийн хувьд 19,800,000 төгрөгөөс их/ захиалга хийх  тохиолдолд гааль, НӨАТ татвар ногдуулах тул Хэрэглэгч өөрийн биеэр гаалийн байгууллагад очин бараагаа мэдүүлж, татвараа төлснөөр гаалийн баталгаат агуулахаас бараагаа авах үүрэгтэй. Мөн зарим тохиолдолд гаалийн байгууллага нь гаалийн татвар ногдуулах зорилгогүйгээр улс хоорондын шуудан илгээмжийг санамсаргүй байдлаар сонгон хяналт, шалгалт явуулдаг. Энэ тохиолдолд гаалийн баталгаат агуулахаас Хэрэглэгч бараагаа өөрийн биеэр очиж авах үүрэгтэй. Стора нь Хэрэглэгчид бараа нь саатсан тухай мэдээлэл өгөх ба гаалийн бүрдүүлэлтэд шаардагдах бичиг баримтуудыг гаргаж өгнө.  

Америкаас газраар, түүвэр ачааны журмаар (LCL-Less than Container Load) Хэрэглэгчийн нэр, утасны дугаар, хаягаар тээвэрлэдэг тул бараа нь гаалийн баталгаат агуулахад ирэх үед Стора нь Хэрэглэгчид мэдээлэл өгөх ба гаалийн мэдүүлэгт шаардагдах бичиг баримтуудыг гаргаж өгнө. Хэрэглэгч бараагаа гаалийн байгууллагад мэдүүлэх ба импортын гаалийн мэдүүлгийн хураамж, шивэлтийн төлбөр, гаалийн татвар, НӨАТ, хураамж болон бусад зардлыг төлж бараагаа хүлээн авах үүрэгтэй.

Хятадаас тээвэрлэх нөхцөл 

Стора нь Хятадаас газраар, түүвэр ачааны журмаар (Автомашинаар) Хэрэглэгчийн нэр, утасны дугаар, хаягаар тээвэрлэдэг тул бараа нь зөвхөн түүвэр ачаагаар гаалийн байгууллагад мэдүүлэгдэнэ.   

Монгол Улсын Гаалийн тухай хууль болон бусад холбогдох хууль, журам, дүрэмд зааснаар гаалийн шалгалтад оролцуулах зорилгоор бараа, тээврийн хэрэгсэл, улс хоорондын шуудан илгээмжийг гаалийн байгууллага саатуулан шалгах эрхтэй байдаг. Түүвэр ачааг гаалийн байгууллагад мэдүүлэх үед гаалийн улсын байцаагчийн шийдвэрээр барааг тухайлан мэдүүлэх шаардлага үүсэж болно. Энэ тохиолдолд бараа нь гаалийн баталгаат агуулахад саатах ба бараа ийнхүү саатсан  тохиолдолд Стора нь Хэрэглэгчид мэдээлэл өгөх ба гаалийн мэдүүлэгт шаардагдах бичиг баримтуудыг гаргаж өгнө. Хэрэглэгч бараагаа гаалийн байгууллагад мэдүүлэх ба импортын гаалийн мэдүүлгийн хураамж, шивэлтийн төлбөр, гаалийн татвар, НӨАТ, хураамж болон бусад зардлыг төлж бараагаа хүлээн авах үүрэгтэй.   

Хэрэглэгч гаалийн баталгаат агуулахаас 3 хоногийн дотор бараагаа гаалийн байгууллагад мэдүүлж, аваагүй тохиолдолд гаалийн баталгаат агуулахын хадгалалтын төлбөр тооцогдох ба хэрэв энэ хугацаа нь 3 сар хэтэрвэл гаалийн байгууллага нь барааг устгаж, Хэрэглэгч устгалын төлбөрийг мөн төлөх үүрэгтэй болохыг анхаарна уу. 

Хэрэглэгчийн захиалсан бараа бүтээгдэхүүнийг Улаанбаатар агуулахад хүлээн авах үед Хэрэглэгчийн бүртгүүлсэн цахим хаяг болон гар утсанд мэдэгдэл илгээнэ. Тээврийн төлбөрийг төлсөнөөс хойш бараа бүтээгдэхүүнийг Улаанбаатар хотод CU дэлгүүрт байрлах StoraBox-т 24 цагт хүргэнэ. 

Анхаар: Захиалга нь тээврийн зардал төлөгдсөнөөс хойш 24 цагийн дотор Сторабокст хүргэгдэх боловч зарим тохиолдолд тухайн бокс дүүрсэн, өмнөх хэрэглэгчид бараагаа аваагүйгээс шалтгаалан бараа хүргэгдэхгүй 24 цаг хэтэрдэг болохыг анхаарна уу. Энэ тохиолдолд Хэрэглэгч 24 цаг хүлээлгүй бараагаа агуулахаас авах боломжтой.

Хэрэглэгч захиалсан бараа, бүтээгдэхүүнээ Сторабокст хүргэгдсэнээс хойш 24 цагийн дотор бараагаа авах шаардлагатай. 24 цагийн дотор бараагаа аваагүй тохиолдолд хэтэрсэн хоногийн тоогоор өдөрт хадгалалтын төлбөр тооцогдох болно. /Нэг хэрэглэгч хэдэн илгээмжтэй байхаас үл хамааран 1 өдрийн хадгалалтын төлбөр 5000₮ байна. Өөрөөр хэлбэл таны Сторабокст хүргэгдсэн 1 эсвэл 3 илгээмж ялгаагүй гэсэн үг./ 

Хэрэглэгчийн бараа бүтээгдэхүүн нь Сторабокст хүргэгдэх үед Хэрэглэгчийн утсанд мэдэгдэл очих ба веб эсхүл апп рүүгээ орж шалгахад илгээмж тус бүрийн дээд талд “Сторабокс код авах" хэсэг үүссэн байх ба эндээс 6 оронтой нууц код авч Сторабокст хийснээр бараагаа хүлээн авна.  

Тухайн 6 оронтой нууц код нь Сторабокст бараа хүргэгдсэнээс хойш 24 цагийн турш хүчинтэй байх бөгөөд 24 цаг өнгөрсөн тохиолдолд үүсэх хадгалалтын төлбөрийг төлснөөр шинэ код авах боломжтой. Сторабоксын хаягийг тээврийн зардал төлөх үед өөрчлөх боломжтой. 

Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах бүрд Хэрэглэгчид нэн даруй мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно. 

Стора нь Хэрэглэгчийн сонгож захиалсан бараа бүтээгдэхүүнийг зуучлан худалдан авдаг тул тухайн бараа бүтээгдэхүүнийг худалдаж буй дэлгүүрийн бараа буцаах нөхцөл, журмыг баримталдаг болно. Зарим дэлгүүрийн буцаалтын нөхцөл, журмаас дэлгэрэнгүй харна уу. Гадаад дэлгүүр нь бараа солих үйлчилгээ гэж байдаггүй ба оронд нь Хэрэглэгчийн барааг буцааж хүлээн авч, төлбөрийн буцаалт хийдэг болно. Төлбөрийн буцаалт хийгдсэн тохиолдолд Стора нь дахин шинээр захиалга хийж, худалдан авдаг болно.  

Хэрэглэгч худалдан авалтын захиалга хийхдээ бараа бүтээгдэхүүний дэлгэрэнгүй мэдээлэл /ялангуяа цахилгаан барааны хувьд вольтын мэдээлэл гэх мэт/, хэмжээ, өнгө, загвар, марк зэргийг бүрэн судалж, шалгах үүрэгтэй болно. Хэрэглэгч бараа бүтээгдэхүүнээ Сторабоксоос эсхүл агуулахаас хүлээн авахдаа сайтар шалгаж авах үүрэгтэй. Хэрэглэгч эдгээр үүргээ биелүүлээгүй, үүнээс шалтгаалан хүлээн авсан бараа бүтээгдэхүүнтэй холбоотой аливаа асуудал гарсан тохиолдолд Стора хариуцлага хүлээхгүй болно. 

Хэрэглэгчийн хүлээн авсан бараа бүтээгдэхүүн нь ажиллахгүй, доголдолтой буюу үйлдвэрийн гэмтэлтэй, анх захиалснаас өөр бараа ирсэн, эсхүл тээвэрлэлтийн явцад үүссэн гэмтэлтэй, хагарсан байх тохиолдолд барааг буцаах хүсэлт гаргах боломжтой бөгөөд зөвхөн дараах дараалал, журмын дагуу барааг буцаах болно. Бусад бүх тохиолдолд хүлээн авсан барааг буцаах журам үйлчлэхгүй болно.  

1. Хэрэглэгч хүлээн авсан барааг буцаах хүсэлтийг барааг хүлээн авснаас хойш 24 цагийн дотор барааны бичлэг, зургийн хамт support@stora.mn цахим хаяг, эсхүл facebook/stora.mn-д илгээн хүсэлт гаргасан тохиолдолд; мөн 
2. Хэрэглэгчийн гаргасан хүсэлтийн дагуу барааны үйлдвэрлэгч, нийлүүлэгч рүү хүсэлт илгээх ба барааг буцаахыг зөвшөөрсөн тохиолдолд; мөн 
3. Хэрэглэгч хүлээн авсан барааг хүлээн авсан үеийн нөхцөлөөс муутгаагүй, дордуулаагүй, ашиглаагүй, хайрцаг сав баглаа боодолтой нь хамт хүлээлгэн өгсөн тохиолдолд, мөн 
4. Хэрэглэгч барааг буцаах тээврийн зардлыг 100% төлсөн тохиолдолд барааг буцаах боломжтой. Дээрх нөхцөлүүдийн аль нэг нь хангагдааүй бол барааг буцаах боломжгүй болно. 
5. Хэрэглэгчийн буцаалттай холбоотойгоор нэмэлт зардал буюу Америк доторх хүргэлтийн  зардал болон өөр бусад нэмэлт зардал гарсан тохиолдолд тухайн дэлгүүрээс барааны үнийн буцаалт дансанд орж ирсний дараа зардлыг суутган Хэрэглэгчид барааны үнийг буцаан олгоно.  

Бараа буцаахад анхаарах зүйлс: Ямар ч тохиолдолд барааг буцааж буй нөхцөлд тухайн барааны гаднах сав, баглаа боодол бүтэн /дээрх 3-р мөрөнд заасан тохиолдлоос бусад тохиолдолд/, бараа бүтээгдэхүүн дээрх аливаа лац, тэмдэг хөндөгдөөгүй байх ёстойг анхаарна уу. 

Барааг Америк руу илгээн, Амазон руу буцаасны дараа Амазон нь барааг хүлээн авсан ч тухайн барааг ямар нэгэн байдлаар шаардлага хангахгүй гэж үзэн буцаалтын төлбөр олгохоос татгалзвал энэ тухай баримтыг Хэрэглэгчид баталгаа болгон үзүүлнэ. Энэ тохиолдолд тус баримтыг үндэслэн Америк руу илгээсэн тээврийн зардал болон барааны төлбөрийг Хэрэглэгчид буцаан олгохгүй. 

Сторагийн буруугаас болж буцаалтын төлбөр олгох боломжгүй болсон /Америк руу илгээх явцад барааг гэмтээсэн, алга болгосон/ бол Стора тухайн барааны төлбөрийг буцаан олгоно. Харин Америк-Монгол хоорондын тээврийн зардлыг буцаан олгохгүй. 

Хэрэглэгчийн буруугаас болж буцаалтын төлбөр олгох боломжгүй болсон /барааны ашиглалтын элэгдэл, хорогдлоос шалтгаалж гадаад худалдааны платформ, дэлгүүр нь төлбөрийн буцаалт хийхгүй тухай шийдвэр гаргасан г.м/ бол Стора төлбөрийн буцаалтыг гадаад худалдааны платформ, дэлгүүрийн өмнөөс өгөх боломжгүй ба Монголоос Америк руу илгээсэн тээврийн зардлыг буцаан олгохгүй болно. 

(2024 оны 12 сарын 10-ны байдлаар тухайн дэлгүүрийн бараа буцаалтын нөхцөл, журмаас түүвэрлэж авав.) 

Хятад барааны буцаалт 

Хятад худалдааны платформ, дэлгүүрээс зуучлан худалдан авсан барааг Монголоос Хятад руу буцаах боломжгүй байдаг. Хэрэглэгчийн хүлээн авсан бараа бүтээгдэхүүн нь ажиллахгүй, доголдолтой буюу үйлдвэрийн гэмтэлтэй, анх захиалснаас өөр бараа ирсэн, эсхүл тээвэрлэлтийн явцад гэмтсэн, хагарсанаас бусад тохиолдолд барааг буцаах боломжгүй болохийг анхаарна уу. 

Энэхүү ҮЕН-д зааснаас бусад тохиолдолд бараа солих, буцаах журам үйлчлэхгүй. Иймд Хэрэглэгч худалдан авалтын захиалга хийхдээ бараа бүтээгдэхүүний дэлгэрэнгүй мэдээлэл /ялангуяа цахилгаан барааны хувьд вольтын мэдээлэл гэх мэт/, хэмжээ, өнгө, загвар, марк зэргийг сайтар судалж, бүрэн шалгах үүрэгтэй болно.  

Стора нь Хэрэглэгчийн худалдан авалтын захиалгатай холбоотойгоор дараах 2 төрлийн үйлчилгээний төлбөртэй.  

Хэрэглэгч бараагаа Сторабокст хүргэгдсэнээс хойш 24 цагийн дотор хүлээн авах шаардлагатай. Энэ хугацаанд бараагаа аваагүй тохиолдолд хэтэрсэн хоног тутам 5,000 төгрөгийн хадгалалтын төлбөр төлөхийг анхаарна уу. Хэрэглэгч хэдэн бараа Сторабокст хүргэгдсэнээс үл хамааран 1 хоногийн хадгалалтын төлбөр 5,000 төгрөг байна. 

Хэрэглэгч бараагаа Стора агуулахад ирсэн тухай мэдэгдлийг мессеж болон мэйл хаягаар хүлээн авсан өдрөөс хойш хуанлийн 30 хоногийн дотор тээврийн зардлаа төлж, бараагаа хүлээн аваагүй тохиолдолд Иргэний хуулийн 258 болон 259 дүгээр зүйлд заасны дагуу худалдан борлуулах эрх үүснэ. 

Тухайн барааг худалдах тухай хэрэглэгчид 7 хоногийн өмнө утас, мэйл, мессежийн аль боломжит сувгаар мэдэгдэнэ. 

Барааг худалдан борлуулснаас олсон орлогоос тээврийн төлбөр, алданги, хадгалалтын төлбөр болон барааг худалдан борлуулахтай холбогдон гарсан бүх зардлыг суутган төлүүлэх болохыг анхаарна уу. 

Стора нь Хэрэглэгчдэдээ Голомт банкнаас тогтоосон нөхцөл шаардлагыг үндэслэн зээлийн үйчилгээг санал болгоно. Хэрэглэгчийн зээлийн хүсэлтийг банкнаас гарсан шийдвэрт үндэслэн Стора захиалгыг 24 цагийн дотор баталгаажуулна. 

Хэрэглэгчийн зээлээр авах захиалгын мэдээллийг Стора шалгаж, баталгаажуулах болон цуцлах эрхтэй байна. Зээл нь Хэрэглэгчийн худалдан авах зөвхөн барааны үнэд үйлчлэх ба тээврийн зардал болон бараа ирсэний дараа гарах бүхий л төлбөрт үйлчлэхгүй болно. 

Хэрэглэгч зээлийн үйлчилгээ авахтай холбоотой зээл судлуулах бүхий л шимтгэл, зардлыг бүрэн хариуцна. Захиалга баталгаажуулсан хугацаанаас хойш 14 хоногийн хугацаанд зээлийн хүү бодогдохгүй байх ба 15 дахь хоногоос эхлэн үндсэн зээлийн нөхцөлийн дагуу хүү тооцогдож эхэлнэ. Зээлийн хүү хөнгөлөгдөх хугацаа (14 хоног) нь зээлийн хэмжээ болон бараа тээвэрлэгдэж ирэх хугацаанаас үл хамаарна. Хэрэглэгчийн зээлийн хэмжээ нь бараа бүтээгдэхүүний үнийн дүнд хүрэхгүй үед зээл олгох боломжгүй байна. 

Зээлийн үйлчилгээг ашиглан захиалга баталгаажуулсан үед захиалга цуцлах, захиалгын үнийн дүнд өөрчлөлт оруулах, хүлээн авсан барааг буцаах, солих бүхий л нөхцөл нь Сторагийн үндсэн журмыг мөрдөнө.   

Харин зээлийн үйлчилгээг ашиглан баталгаажуулсан захиалга цуцлах, захиалгын үнийн дүнд өөрчлөлт оруулах, хүлээн авсан барааг буцаах, солих бүхий л нөхцөлд үүсэх төлбөрийн зөрүүг Стора буцаан олгох ба буцаах мөнгөн дүн нь зөвхөн барааны үнийн дүн байна. 

Сторагаас санал болгож буй бүх бараа бүтээгдэхүүн, үйлчилгээг зээлээр худалдан авах боломжтой бөгөөд Хэрэглэгч зээлээр авах сонголтыг сонгож өөрийн мэдээллээ үнэн зөв бөглөнө. Цахим зээлийн хүсэлт нь зээлээр авах нийт үнийн дүнгээс хамаарсан урьдчилгаа болон үйлчилгээний шимтгэл 1%-ийг шилжүүлсний дараа судлагдаж эхэлнэ. 
 

Хэрэглэгч Сторпэй үйлчилгээг ашиглан захиалга хийсэн тохиолдолд захиалга цуцлах, захиалгын үнийн дүнд өөрчлөлт орох, хүлээн авсан барааг солих эсхүл буцаалт хийх бол дараах нөхцөлийг баримтална. Үүнд:   

Захиалга цуцлах:   

Сторпэй үйлчилгээг ашиглан захиалга хийсэн тохиолдолд захиалга баталгаажуулах явцад буюу 24 цагийн дотор зөвхөн дараах тохиолдолд захиалга цуцлагдаж болно. Бусад бүх тохиолдолд захиалга цуцлах боломжгүй болохыг анхаарна уу.  

• Таны захиалсан бараа үлдэгдэлгүй болж дууссан бол; 
• Та хориотой эсхүл хязгаарласан бараа захиалсан бол; 
• Таны захиалсан барааны үнэ 15,000 төгрөгөөр өссөн бол; 
• Таны захиалгын нийт дүн 100,000 төгрөгөөс бага бол.  

Хэрэв захиалга баталгаажуулах явцад дээрх тохиолдлын аль нэгээр захиалга цуцлагдсан бол, төлбөрийн буцаалтын хүсэлтийг Сторпэй руу илгээх ба Сторпэй үйлчилгээний нөхцөлийн дагуу ажлын 2 хоногийн дотор төлбөрийн буцаалтыг хийнэ.   

Захиалгын үнийн дүнд өөрчлөлт орох:   

Захиалга баталгаажуулах явцад Сторпэй үйлчилгээг ашиглан захиалсан барааны үнийн дүнд өөрчлөлт орж, нэмэгдэх тохиолдолд: 

• Хэрэглэгч өөрийн аккаунтаар нэвтэрч Захиалга, төлбөрийн дэлгэрэнгүй хэсгээс Сторпэй үнийн дүн өөрчлөх хүсэлт илгээх боломжтой ба өөрчлөгдсөн үнийн дүнгээр Хэрэглэгчийн зээлийн хэмжээ хүрч байгаа үед; 
• Эсхүл барааг Монголд ирсний дараа тээврийн зардал дээр барааны үнийн дүнгийн нэмэгдлийг нэмүүлж хамтад нь төлж болно. 

Хэрэв захиалга баталгаажуулах явцад Сторпэй үйлчилгээг ашиглан захиалсан барааны үнийн дүнд өөрчлөлт орж, буурах тохиолдолд: 

• Хэрэглэгч өөрийн аккаунтаар нэвтэрч Захиалга, төлбөрийн дэлгэрэнгүй хэсгээс Сторпэй үнийн дүн өөрчлөх хүсэлт илгээх боломжтой ба худалдан авалтын доод хэмжээ 100,000 төгрөг байх; 
• Эсхүл барааг Монголд ирсний дараа тээврийн зардлаас барааны үнийн дүнгийн бууралтыг хасуулж төлж болно. 

Барааг солих эсхүл буцаах 

Сторпэй үйлчилгээг ашиглан худалдан авалт хийсэн тохиолдолд, Хэрэглэгчийн хүлээн авсан бараа нь үйлдвэрийн алдаатай, ашиглах боломжгүй байгаа нөхцөлд барааг солих эсхүл буцаах хүсэлт гаргах боломжтой бөгөөд зөвхөн дараах дараалал, журмын дагуу барааг солих эсхүл буцаах болно. Бусад бүх тохиолдолд хүлээн авсан барааг солих эсхүл буцаах журам үйлчлэхгүй болно.  

Хэрэглэгч хүлээн авсан барааг солих эсхүл буцаах хүсэлтийг барааг хүлээн авснаас хойш 24 цагийн дотор барааны бичлэг, зургийн хамт support@stora.mn цахим хаяг, эсхүл facebook/stora.mn-д илгээн хүсэлт гаргасан тохиолдолд; мөн 

Хэрэглэгчийн гаргасан хүсэлтийн дагуу барааны үйлдвэрлэгч, нийлүүлэгч рүү хүсэлт илгээх ба барааг солих эсхүл буцаахыг зөвшөөрсөн тохиолдолд; мөн 

Хэрэглэгч хүлээн авсан барааг хүлээн авсан үеийн нөхцөлөөс муутгаагүй, дордуулаагүй, ашиглаагүй, хайрцаг сав баглаа боодолтой нь хамт хүлээлгэн өгсөн тохиолдолд, мөн 

Хэрэглэгч барааг солих эсхүл буцаах тээврийн зардлыг 100% төлсөн тохиолдолд барааг солих эсхүл буцаах боломжтой. Дээрх нөхцөлүүдийн аль нэг нь хангагдааүй бол барааг солих эсхүл буцаах боломжгүй болохыг анхаарна уу. 

Стора бэлгийн карт нь цахим хэлбэртэй ба https://www.stora.mn/gift-card болон Stora аппликейшнээс Хэрэглэгч хүссэн үнийн дүнгээр, хүссэн загвараар худалдан авах боломжтой. Стора бэлгийн картыг буцаах болон бэлэн мөнгөөр солихгүй болохыг анхаарна уу. Стора бэлгийн карт нь худалдан авсан өдрөөс хойш 180 хоногийн хугацаанд хүчинтэй байна. Хугацаа дууссан бэлгийн картыг сэргээх боломжгүй болно. Стора бэлгийн картыг худалдан авах үед имэйлийг буруу бөглөн илгээсэн болон мөн Стора бэлгийн картын мэдээллийг бусдад алдсан тохиолдолд Стора хариуцлага хүлээхгүй болохыг анхаарна уу.  

Стора бэлгийн картын мэндчилгээний хэсгийг зориулалтын бусаар ашиглахгүй болохыг мэдэгдэж байна. Мэндчилгээний хэсэгт бусдыг өдсөн, заналхийлсэн, хувийн нууцад халдсан, оюуны өмчийн эрх зөрчсөн, улс төрийн шинж чанартай, ёс зүйгүй бүдүүлэг утга агуулгатай үг хэллэг орсныг Стора устгах, засах үүрэг хүлээхгүй болохыг анхаарна уу. 

Стора бэлгийн картыг зааврын дагуу идэвхжүүлснээр Хэрэглэгчийн Стора хэтэвчинд бэлгийн картын үнийн дүн нь 1төгрөг = 1т.н харьцаагаар оноо болж нэмэгдэнэ. Хэтэвчний оноо нь зөвхөн худалдан авалтын үнийн дүнд ашиглагдах бөгөөд тээврийн зардал болон бусад төлбөрт үйлчлэхгүй. Хэрэглэгч хэтэвчний оноогоо бусдад шилжүүлэх болон бэлэн мөнгөөр солих боломжгүй болохыг анхаарна уу. 

Хэрэглэгч Стора хэтэвчний оноогоо ашиглан хэдэн ч удаа худалдан авалтын захиалга хийж болно. Стора бэлгийн карт нь бараа, ажил үйлчилгээ биш тул түүнийг худалдан авах үед НӨАТ-ын баримт олгогдохгүй болно. Хэрэглэгч бэлгийн картыг идэвхжүүлж, Стора хэтэвчний оноо болгон худалдан авалтын захиалга хийх үед Стора үйлчилгээний үнэ тариф, НӨАТ баримтын журамд заасны дагуу НӨАТ-ын баримт олгоно. 

Стора захиалгын платформ нь Америк, Хятадын дэлхийн цахим худалдааны платформууд дээр худалдаалагдаж буй бараа бүтээгдэхүүний мэдээллийг хэрэглэгчид хүргэж танилцуулах болон худалдан авах захиалгыг цахимаар хийх боломжийг өөрийн захиалгын платформоор дамжуулан хэрэглэгчид олгодог. Иймд бараа бүтээгдэхүүний мэдээллийг тодорхой хугацааны хоцрогдолтой хүргэж танилцуулдаг тул бараа бүтээгдэхүүний мэдээлэл тухайлбал үнэ, худалдааны платформ дахь барааны үлдэгдлийн мэдээлэл зэрэг өөрчлөгдөх боломжтой болохыг анхаарна уу.  

Хэрэв бараа бүтээгдэхүүн, үйлчилгээтэй холбоотой санал, гомдол байвал дараах сувгуудаар хандан шийдвэрлүүлэх боломжтой. Үүнд: 

• Үйлчилгээний төвийн 7507-7570 дугаар 
• Фэйсбүүк мессенжер хаяг www.facebook.com/Stora/ 
• Цахим шуудангийн хаяг support@stora.mn 

Гомдол шийдвэрлэх хугацаа гомдлын төрлөөс хамааран харилцан адилгүй ба Хэрэглэгчийн гомдлыг хүлээн авах, бүртгэх, шийдвэрлэх ажиллагааны журмын дагуу хамгийн богино хугацаанд гомдлыг шийдвэрлэж өгөхийг эрмэлзэж ажиллана.  

Давагдашгүй хүчин зүйл гэж дайн (зарласан болон зарлаагүй), хорлон сүйтгэх ажиллагаа, бослого, үймээн, эмх замбараагүй байдал, олон нийтийг хамарсан төрийн эрх бүхий байгууллагын шийдвэр, шүүхийн шийдвэр, гал түймэр, осол, дэлбэрэлт, хорио цээр, аадар бороо, цасан шуурга, газар хөдлөлт, гал ус зэрэг байгалийн ноцтой үзэгдэл, компьютерийн хакер, зөөврийн болон хадгалалтын төхөөрөмжид зөвшөөрөлгүй хандах, сүлжээ унагах, аюулгүй байдалд халдах, зам засвар, замын хөдөлгөөний хориг зэрэг зохих хяналтаас давсан үйл явдлыг хэлнэ. 

Давагдашгүй хүчин зүйлийн нөхцөл байдлын шууд болон шууд бус үйлчлэлийн улмаас Стора захиалгын платформ нь үйлчилгээ үзүүлэх үүргээ биелүүлэх боломжгүй тохиолдолд тухайн нөхцөл байдлыг арилах хүртэл үйлчилгээ үзүүлэх хугацааг хойшлуулах болно. ҮЕН-ийг биелүүлэхэд саад болох нөхцөл байдал үүссэн, дууссан тухай талууд нэн даруй нэг нэгэндээ утсаар эсхүл и-мэйлээр мэдэгдэнэ.